Ukubeke kwacaca ukuthi yini ayizele emhlanganweni wokwethulwa kwe-PR Councillor endaweni yase-Ward 14.
Intatheli: Sbusiso Mkhize
U-PR Councillor Thando Xulu ubeke kanje: “Kumele senze kahle, njengoba ikhansela ebelikhona lisulile esikhundleni.” Uthe bona, njengomkhandlu, bazoqhubeka nokuhle obekade kwenziwa ikhansela ebelikhona. Wase eyakuveza ukuthi abantu akusikona ukuthi bayawuzonda u-ANC, kodwa kungenxa yemisebenzi eyenziwayo engalungile.
Kanti ukuvezile ukuthi amakhansela kade ekhona, amanye awo abesebenzisa izinsiza-kusebenza zomkhandlu ukucebisa abangani, izihlobo, kanye nezintombi zabo. Njengamanje ubesethatha igxathu lokubeka umuntu ozomeseka, noma ozoba ngumsizi wakhe. Ube esebiza u-Cde Nkosi Memela kube kunguye ozosiza i-PR Councillor uThando Xulu. Wase eyaveza ukuthi uNkosi Memela uzomnika bonke okhiye bokungena kuyona yonke iminyango yokusiza umphakathi.
Ubesemyala kakhulu-ke ukuthi ikhansela liziphatha kanjani, futhi kumele likulindele ukuthi lizodlana nabantu abahlukahlukene kuhlanganise nabantu abadala. Kumele abenendlela yokuhlonipha lonke uhlobo lomuntu. Wase eweza ukuthi uma uyikhansela emphakathini, kumele wazi ukuthi kuzofika izinhlangano ezihlukahlukene, futhi abanye bazofuna izinsiza-kusebenza ezizohlanganela ukukhipha wena. Kodwa-ke kumele ubanikeze lolo sizo abaludingayo. Amazwi awakhulumile wathi: “Zonke izinsiza-kusebenza ezikhona emphakathini zafika nge-ANC. Abantu fanele bakuqonde lokho ukuthi kumele bayeseke i-ANC.”
Ubeseveza ukuthi i-Canal Walk / Canobia Mall kanye ne-Westower yakhiwe i-ANC.
Kube sekumenyezelwa ukuthi kusukela kusasa, mhlaka 27 August, ihhovisi lekhansela liyasebenza futhi livulwa ngo-8:00 ekuseni. Wase enikeza abantu ithuba lokukhuluma. Kwasukuma uNonhle Zwane wathi: “Besicela njengomphakathi wase-Ward 14 ukuthi engathi angavula indlela entsha, angasebenzi njengekhansela ebelikhona.” Wase ebeka ukuthi sizobona lapho ukuthi kumele simbeke yini njengekhansela ngomhlaka 4.
Kube sekusukuma omunye ilungu lomphakathi elithe: “U-Cde ucela ukubuza ukuthi njengoba sekungena uMemela, bacela ukuthi nabo kushintshwe ikhansela.” Base bephendula ngokuthi akushintshwa lutho.
Kwasukuma omunye wathi: “Njengoba bekunama-project akhona emphakathini, uzobakhona yini ukhansela uma sekuhanjelwa umphakathi?”
U-Nana Mkhwanazi ubonge ukuthi kungene elinye ikhansela. Uthe mhlawumbe sebezokwazi ukwaziswa ngezinhlelo, ngoba bebevele bezwa sekuthi bekunohlelo bengaziswanga lutho.
