Intatheli: Norma Duma
Abaholi abasemzimbeni kaKristu abaholi bomoya bazibophezele ekuhlanganyeleni nasekusebenzeni ndawonye ukuze kudambiswe ezinye zezinkinga zomphakathi ezihaqe umphakathi we-INK (Inanda, Ntuzuma kanye ne-kwamshu).
Inhloso ukuhlinzeka kokubili amandla angokomoya nezenhlalo kumalungu omphakathi we-INK. Njengoba sijutshwe yiNkosi, sikholelwa ukuthi iBandla linendima ebalulekile okufanele liyibambe ekubhekaneni nezinselelo ezibhekene nemiphakathi kanye nasekunikezeni ithemba, isiqondiso, ukwesekwa kanye nosizo kulabo abaswele.
Indawo ye-INK ibhekene nezinselelo eziningi zenhlalo-mnotho, okuhlanganisa ubugebengu (The west gang) amazinga aphezulu okuntuleka kwemisebenzi, ubumpofu, ukuyeka isikole kanye nokufinyelela okulinganiselwe kwamathuba entsheni.Sihlose ukusebenzisa ukuxhumana nabantu njengenkundla yokunika amalungu omphakathi amandla ngolwazi kanye nokwenza lula ukuxoxisana okunengqondo phakathi komphakathi nohulumeni ohlukahlukene kanye nezikhungo zentuthuko.
Umasipala wase-Ethekwini nawo uzoba yingxenye yalolu hlelo olukhulu oluholwa nguJesu usindisa Imphefumulo. Kuzobe kukhona neminye iminyango ka hulumeni nokubalwa iPrasa,Sassa,Sedfa,Art namasikoSinxusa wonke ama-NPO azungeze i-INK ukuthi eze kulo mcimbi ngo kusho kuka Bishop MM Qwabe ongumsunguli we Jesus SavesKuzobe kukhona nabafundisi nabaculi bokholo abahlukene nokubalwa Bishop SP Ndlovu, Pastor Msongelwa, Pastor Noguma, Bishop Andile kamajola, Thulani GA Ndlela kanye no Sindy Ntombela.Umphakathi wase INK uyamenya ngobuningi kulemvuselelo ezoba sezinkundleni zenidlalo kwa M Kwa Mashu kusukela ngomhlaka 25 September kuya ku mhlaka 4 October 2026.
