IMIKLOMELO YE-MZANSI COMMUNITY MEDIA AND CREATIVE AWARDS 2026: KUHLONISHWA AMAZWI AKHA IMIPHAKATHI YETHU
Intatheli: uNorma Duma
Umlando ubhaliwe eMzansi ngempelasonto yamhlaka 30 Agasti 2026 eLadyfair Theatre, njengoba kuhlangane izintatheli, abasakazi, abethuli, abahleli, abashicileli kanye nabadali bokuqukethwe kwedijithali emcimbini wokuqala ngqa we-Mzansi Community Media and Creative Awards 2026.
Lo mcimbi obusezingeni eliphezulu, obubanjwe mhlaka 30 Agasti 2026, ubuhloselwe ukuhlonipha nokugqamisa amaqhawe angemuva kwezindaba—labo abasebenzisa izinkundla zabo ukwazisa, ukufundisa, ukujabulisa kanye nokuxoxa izindaba ezithinta imiphakathi yethu.
Le miklomelo idalelwe ukukhanyisela labo abebengabonwa isikhathi eside: izintatheli ezisensimini, amazwi angemuva kwemibhobho, abahleli bezincwadi kanye nabadali bedijithali abakha izinkundla ezintsha zokusabalalisa izindaba zomphakathi.
ABANQOBILE KU-2026 EZOKUSAKAZA KUMABONAKUDE (TELEVISION)
Oyi-Field Reporter ovelele: Ayanda Dube, Ohlanganisa Izindaba ovelele (Packaging): Precious Mvubu
EZOMSAKAZO (RADIO) Umfundi wezindaba ovelele: Scelo Dlamini, Umethuli wesifazane ovelele: Mlangeni Magasela Umethuli wesilisa ovelele: Globzin Buthelezi, Umethuli wezemidlalo ovelele: Sicelo Khanyile & Zolo Guma, Umethuli wezindaba zamanje ovelele: Simphiwe Mncwango. Umhleli wezindaba ovelele: Khanyisile Khumalo
AMAPHEPHANDABA (NEWSPAPER) Intatheli evelele: Nomcebo Ngema, Umhleli ovelele: Zethu Phoswa, Umshicileli ovelele: Sthembile Moyo. Othengisa ovelele: Vimla Govender. Isevisi yamakhasimende evelele: Sharmila Ganas, Kas Naidoo & Nomthandazo Magoso. Iphephandaba elihleleke kahle: Rising Sun Newspaper Overport. Iphephandaba elivelele: Rising Sun Newspaper Chatsworth
EZOKUXHUMANA KU-INTHANETHI (ONLINE MEDIA) Inkundla yezokuxhumana evelele: Sibusiso Sama Jobe. Iphephandaba le-online elivelele: Inner City Gazette, Umsakazo we-online ovelele: Abodado FM, Umethuli we-Podcast ovelele: Portia Mbambo. I-Podcast evelele: Durban Online Podcast, Umhleli wezindaba ze-digital ovelele: Bonisiwe Zulu
ISIGABA ESIKHETHIWE (SPECIAL CATEGORIES) I-Field Reporter evelele: Thobeka Khumalo. Osafufusa ovelele: Ntokozo Cele
UKUHLONISHWA KOKUZINIKELA (LIFETIME RECOGNITION) Umklomelo we-Lifetime: Jacob Sabelo Ntshangase
Ekhuluma ngemuva komcimbi, umsunguli wale miklomelo, uZinhle Cebekhulu, uthe: “Lesi sikhathi sisho lukhulu kimi ngoba akukaze kube ngokunikeza izindebe nje. Bekumayelana nokwakha inkundla lapho abantu bakithi, abaxoxi bezindaba zethu kanye nochwepheshe babezindaba zomphakathi bezobonwa, bezwakale futhi behlonishwe. Sekuyiminyaka abantu abaningi abanamakhono benza umsebenzi omuhle ngaphandle kokuthola ukuhlonishwa abakufanele. Bengifuna ukukushintsha lokho. Bengifuna sakhe indawo lapho singathi: Siyanibona, siwazisa umsebenzi wenu futhi izwi lenu libalulekile. Uhlelo lokuqala belunganaphelele, kodwa ukubona abaqokiwe, abanqobile, izivakashi kanye nabasekeli behlangene ndawonye kwenze zonke izinselelo zaba yigugu. Senza umlando hhayi ngoba konke bekuhamba kahle, kodwa ngoba sathatha isinyathelo sokuqala.
Kubo bonke abaqokiwe, noma ngabe uwine indebe noma cha, yazi ukuthi umnikelo wakho ubalulekile. Qhubekani nokuxoxa izindaba zethu. Qhubekani nokwazisa imiphakathi yethu. Qhubekani nokudala. Lokhu ukuqala nje.”
U-Cebekhulu uqinisekisile ukuthi i-Mzansi Community Media and Creative Awards izoqhubeka nokwakha inkundla ehlonipha ubuhle emkhakheni wezindaba zomphakathi, ezendabuko kanye nasezindaweni ezikhulayo zabadali bedijithali. Uhlelo luka-2026 luphawula ukuqala kwalokho abahleli abanethemba lokuthi kuzoba umgubho waminyaka yonke wabantu abafundisa, abakhuthaza futhi abaxhumanisa umphakathi ngokuxoxa izindaba.
Halala kubo bonke abanqobile nabaqokiwe!
