Nomthandazo Magoso
USihlalo weBhodi labaQondisi be-Ithala Development Finance Corporation (IDFC), uMnu. Khayo E. Mpungose, mhlaka 7 September 2026 uhole ithimba lamalunga eBhodi ekuhloleni izakhiwo eziphethwe yi-IDFC eThekwini nasezindaweni ezizungezile.
Lelithimba lihlole izakhiwo futhi laxhumana nabaqashi beFlamingo Park ese-Umngeni Business Park.llaqhubekela KwaMashu Shopping Centre ukuyohlola inqubekelaphambili yokwakha eqhubekayo kulandela umonakalo owabangelwa yisiphithiphithi sikaJulayi 2021.
Ithimba liphinde lavakashela -Umlazi Emaweleni, e-Umlazi SMME Park nase Canaan College yasemlazi.
Lolu hambo luyingxenye yokuzibophezela okuqhubekayo kweBhodi ekuqinisekiseni ukuphathwa ngempumelelo kwezakhiwo, ukwaneliseka kwabaqashi, kanye nokusebenza kahle komgqomo wezakhiwo ze-IDFC, ngenkathi kusekelwa ukuthuthukiswa komnotho kanye nokudala amathuba emisebenzi KwaZulu-Natali.
USihlalo ubephelezelwa yisekela likasihlalo webhodi, uNks. Bongi Nzama, namalunga eBhodi yabaQondisi, abaPhathi be-IDFC kanye nabaphathi abakhulu abavela ophikweni lwezokuPhathwa kweZakhiwo.
