INKAMPANI ENKULU YEZOKUHWEBELANA EYAZIWA NGE-NTT AND RNK KUSE INGEKHO (IBHANOYI LINDIZILE)

Intatheli: Msawenkosi Mpofana

Bakhala bezithulisa abahwebi bakwaRNKB emveni kwemibiko eshaqishayo yokundiza leBhanoyi ebeselizenzela igama elikhulu ngokushintsha izimpilo zabantu. Iningi labo basebeshiye phansi umlungu ngesiqibulo esithi “YINJ’ UMLUNGU”. Kubukeka bezothintitha izicelo zemsebenzi bayongqongqoza njengoba bathenjiswa kuqala kwalenyanga ukuba bazokwazi ukukhipha izimali zabo ebesezivaleleke isikhashana kungawithdroweki, bethenjiswa umhlaka 30 July 2026. Namhlanje kuse kumhlophe omakhala ekhukhwini kungasekho nesixhumanisi-mnotho phecelezi (App).

Leli simo silimaze izinhlelo eziningi kwababengenele njengoba bekuvela ukuthi uma uqhubeka uhweba ngohlelo lesivumelwano sakhona, imali yakho ibikhula njalo ngosuku. Lokhu obekumenza umhwebi akhele phezu kwalelo hlelo lesamba semali ebizophuma emveni kwesikhashana—lapho kubalelwa unyaka, iminyaka emabili okanye emihlanu.

Liqale le Bhange ngokudlulisa imibiko ethi njengoba kungawithdroweki ingoba uhlelo luyakhuliswa, okusho ukuthi kunezindlela ezintsha ezilethwa INKAMPANI kubahwebi. Kamuva kwamenyezelwa ukuthi ngomhlaka 30 zika-July bazokwazi ukuyikhipha, okuyilapho namhlanje kuse kukhala ibhungezi.

Okubuhlungu nokudabukisayo kuzikhungo zokulethela lolu hlelo lokuhweba, bebetshelwa abasanda kuzwa ngalo ukuthi boleka imali izobuya ngesikhathi esingangenyanga. Baningi abasele ezikweletini ezingabanga nanzuzo.

Eminye yemibiko yakamuva itholakala ukuthi khona abangeniswe ezibhedlela behluleka ukumelana nesimo sezimali ezihambe nebhanoyi. Abanye basola uHulumeni ngamathuba emisebenzi okubenza bagcine bengenela WONKE amabhanoyi la.