Intatheli: Brenda Gumede
I-Female Liberators Training and Skills Development Center okuyinhlangano esiza abesifazane abaphila ngabodwana abanganalo usizo lobaba isungulwe ngonyaka ophelile kuMfumfu (2025) isungulwa uAnele Ngubo kanye nabasizi bakhe abangamashumi amabili nambili, ibungaze abesifazane abakhulisa abantwana ngabodwa yaphinde yagqugquzela omama babantwana abaphila nokukhubazeka ukuthi ababodwa njengoba bekuveze loku njengomsebenzi ongelula ukunikeza uthando kulabantwana. Lomcimbi ubuhlelwe eMlazi kwaV ehholo lomphakathi ngolwesine okuwusuku olwaziwa njengo suku lomama bomkhuleko mhlazingama shumi amabili nesikhombisa kuNcwaba, uthathwe njengomcimbi wokuvala inyanga yomama.
Izikhulumi zalomcimbi bezivela ezikhungweni ezahlukene okhulumele amaphoyisa usayitsheni Cele uveze ukuthi ikhona iminyango yabezenhlalakahle esebenzisana namaphoyisa evikela omama nabantwana iphinde ikhusele nabaphila nokukhubazeka waveza nokuthi umthetho uyayidlala indima yawo nakubantu abaphila nokukhubazeka umangabe bengenzi okuvunyelwa umthetho emphakathini yize zishiyana izigaba zokukhubazeka. Social Worker uNdwalane uqinisekise umphakathi ukuthi kunoshintsho olwenziwe kwa DSD oluthi umntwana olahlekelwe abazali kodwa ohlala noAnti kanye noMalume ngokwe gazi lowomntwana akasayiholi imali yesibonelelo sokushiywa abazali kudwa uthola isibonelelo sabantwana esaziwa ngeqolo ngob a umndeni ukhona. Kuzo izikhulumi bekukhona uSister Dudu Ngubane Ubuhle bamaAfrica, Sister N mlotshwa, Mama Lukhozi Nomehlo wasemlazi kwa K kanye noNonhlanhlaKhumalo we Slakzin Casting Agency naye ophinde waveza ukuthi kunohlelo lokuthuthukisa umphakathi kwimidlalo yeshashalazi kumabonakude njengoba besebenza nezinhlelo eziqashayo kumabonakude.
Kube nezinxoxo ezahlukene njengoba ogogo bebeveza izindlela abakhuliswa ngazo nemikhuba abangafisi iguqulwe ngendlela yokuphila nokuziphatha kwabesifazane kanti nentsha ibinikwa ithuba lokuveza indlela izinto ezenzeka ngayo esikhathini samanje futhi efisa iqhubekele nakuzizukulwane zazo. Umama uN Mncadi ongusihlalo wenhlangano engayenzi inzuzo ebizwa Umlazi Veterans uthena bona ngekhathi zakudala amaphoyisa ayebabophela nokuthola kukhona umuntu oweqisa isibalo esaziwayo sabantu ekhaya uchaze wathi umangabe kwaziwa nibahlanu ekhaya besekuba nesivakshi esenza nibe yisithupha naniboshwa kulelokhaya.
UAnele Ngubo uphinde waveza ukuthi ngeke besagxila kuphela kwabesifazane njengoba sebezoba nemishini yokubhaka kanye neyokufundisa ukuthunga kodwa inhlangano isizovuleleka kuwo wonke umphakathi ukuthi usizakale ukuthuthukisa amakhono. Kanti ngoNtulikazi kuwo lonyaka bebenikela ngezimpahla ezifudumalayo komama abahlwempu abaphila ngabodwana
